ਐਸਐਸਟੀ ਨਗਰ/ਬਿਸ਼ਨ ਨਗਰ ਪਟਿਆਲਾ ਵਿਖੇ ਵਾਟਰ ਸਪਲਾਈ ਦਾ ਮਾੜਾ ਹਾਲ; ਸਮਸਿਆ ਦਾ ਤੁਰੰਤ ਹੱਲ ਕਰਨ ਦੀ ਕੀਤੀ ਮੰਗ- ਕਲੋਨੀ ਨਿਵਾਸੀ
ਪਟਿਆਲਾ, ਅਗਸਤ 14, 2023
ਐਸ ਐਸ ਟੀ ਨਗਰ, ਬਿਸ਼ਨ ਨਗਰ ਅਤੇ ਸੁੰਦਰ ਨਗਰ ਦੀਆਂ ਵੱਖ ਵੱਖ ਵੈਲਫੇਅਰ ਐਸ਼ੋਸ਼ੀਏਸ਼ਨਾਂ ਦੇ ਨੁਮਾਇੰਦਿਆਂ ਰਿਸ਼ੀ ਗਰਗ, ਜਸਵੰਤ ਸਿੰਘ ਧਾਲੀਵਾਲ, ਸੁਹਿੰਦਰ ਕਾਂਸਲ, ਸੁਨੀਲ ਆਰੀਆ, ਧਰਮਪਾਲ ਗੋਇਲ, ਐਸ ਐਸ ਵਿਰਕ, ਸਿ਼ਵਕਰ ਗੁਪਤਾ ਅਤੇ ਹੋਰਨਾਂ ਵਲੋਂ ਪ੍ਰੈਸ ਦੇ ਨਾਮ ਬਿਆਨ ਜਾਰੀ ਕਰਦਿਆਂ ਨਗਰ ਸੁਧਾਰ ਟਰੱਸਟ ਅਤੇ ਕਾਰਪੋਰੇਸ਼ਨ ਤੋਂ ਵਾਟਰ ਸਪਲਾਈ ਦੀ ਸਮਸਿਆ ਦਾ ਤੁਰੰਤ ਹੱਲ ਕਰਨ ਦੀ ਮੰਗ ਕੀਤੀ ਹੈ।
ਆਗੂਆਂ ਨੇ ਦਸਿਆ ਕਿ ਪਿਛਲੇ ਕਈ ਮਹੀਨਿਆਂ ਤੋਂ ਕਿਸੇ ਵੀ ਘਰ ਦੀ ਛੱਤ ਤੇ ਪਾਣੀ ਦੀਆਂ ਟੈਂਕੀਆਂ ਵਿਚ ਪਾਣੀ ਨਹੀਂ ਪਹੁੰਚਦਾ। ਲੋਕਾਂ ਨੂੰ ਮਜ਼ਬੂਰਨ 150—200 ਫੁੱਟ ਤੋਂ ਧਰਤੀ ਹੇਠਲਾ ਨਾ—ਪੀਣਯੋਗ ਪਾਣੀ ਸਬਮਰਸੀਬਲ ਚਲਾ ਕੇ ਟੈਂਕੀਆਂ ਭਰਨੀਆਂ ਪੈਂਦੀਆਂ ਹਨ। ਇਸ ਨਾਲ ਬਿਜਲੀ ਦੇ ਵਾਧੂ ਦੇ ਖਰਚੇ ਵੀ ਸਹਿਣ ਕਰਨੇ ਪੈ ਰਹੇ ਹਨ।
ਕਹਿਣ ਨੂੰ ਤਾਂ 3 ਟਾਈਮ ਪਾਣੀ ਦੀ ਸਪਲਾਈ ਆਉਂਦੀ ਹੈ ਪਰੰਤੂ ਗਰਾਉਡ ਫਲੋਰ ਤੇ ਹੇਠਲੀਆਂ ਟੂਟੀਆਂ ਵਿਚ ਵੀ ਪਾਣੀ ਦਾ ਪਰੈਸ਼ਰ ਬਿਲਕੁਲ ਨਹੀਂ ਹੁੰਦਾ।ਐਸਐਸਟੀ ਨਗਰ ਵਿਚ ਪਾਣੀ ਦੀ ਸਪਲਾਈ ਨਗਰ ਸੁਧਾਰ ਟਰੱਸਟ ਵਲੋਂ ਅਤੇ ਬਿਸ਼ਨ ਨਗਰ ਵਿਚ ਵਾਟਰ ਸਪਲਾਈ ਦਾ ਕੰਟਰੋਲ ਕਾਰਪੋਰੇਸ਼ਨ ਕੋਲ ਹੈ। ਪਹਿਲਾਂ ਕਈ ਵਾਰ ਪਾਣੀ ਦੀ ਸਮਸਿਆ ਬਾਰੇ ਅਧਿਕਾਰੀਆਂ ਦੇ ਧਿਆਨ ਵਿਚ ਲਿਆਂਦਾ ਗਿਆ ਹੈ ਪਰੰਤੁ ਹਾਲੇ ਤੱਕ ਕੋਈ ਹੱਲ ਨਹੀਂ ਹੋਇਆ। ਇਸ ਕਾਰਨ ਲੋਕਾਂ ਵਿਚ ਭਾਰੀ ਰੋਸ ਹੈ।
ਇਲਾਕਾ ਨਿਵਾਸੀਆਂ ਵਲੋ ਟਰੱਸਟ ਦੇ ਚੇਅਰਮੈਨ ਅਤੇ ਕਾਰਪੋਰੇਸ਼ਨ ਦੇ ਮੇਅਰ ਨੂੰ ਵੀ ਮਾਮਲੇ ਚ ਦਖਲ ਦੇਣ ਦੀ ਮੰਗ ਕਰਦੇ ਹੋਏ ਪਾਣੀ ਦੀ ਸਮਸਿਆ ਦਾ ਤੁਰੰਤ ਹੱਲ ਕਰਣ ਅਤੇ ਵਾਟਰ ਸਪਲਾਈ ਦਾ ਸਮਾਂ ਵਧਾੳੋੁਣ ਦੀ ਮੰਗ ਕੀਤੀ ਹੈ।
