ਸਰਕਾਰੀ ਬਿਕਰਮ ਕਾਲਜ ਆਫ਼ ਕਾਮਰਸ, ਪਟਿਆਲਾ ਵਿਖੇ ਵਿਸ਼ਵ ਵਾਤਾਵਰਣ ਦਿਵਸ ਮਨਾਇਆ
ਪਟਿਆਲਾ/07-06-2022
ਮਿਤੀ 06-06-2022 ਨੂੰ ਵਿਸ਼ਵ ਵਾਤਾਵਰਣ ਦਿਵਸ ਸਰਕਾਰੀ ਬਿਕਰਮ ਕਾਲਜ ਆਫ਼ ਕਾਮਰਸ, ਪਟਿਆਲਾ ਵਿਖੇ ਪ੍ਰਿੰਸੀਪਲ ਪ੍ਰੋ. (ਡਾ.) ਕੁਸਮ ਲਤਾ ਜੀ ਦੀ ਯੋਗ ਅਗਵਾਈ ਹੇਠ ਮਨਾਇਆ ਗਿਆ । ਇਸ ਮੌਕੇ ਤੇ ਕਾਲਜ ਦੇ ਇਕੋ ਕਲੱਬ ਦੇ ਵਿਦਿਆਰਥੀਆਂ ਵਲੋਂ ਕਾਲਜ ਕੈਂਪਸ ਵਿਖੇ ਅਲਗ-ਅਲਗ ਜਗਾਂ ਤੇ ਮਿੱਟੀ ਦੇ ਬਣੇ ਕਟੋਰੇ ਪੰਛੀਆਂ ਦੇ ਪਾਣੀ ਪੀਣ ਲਈ ਰੱਖੇ ਗਏ । ਇਸ ਮੌਕੇ ਵਿਦਿਆਰਥੀਆਂ ਵਲੋਂ ਵਾਤਾਵਰਣ ਬਚਾਓ ਸਬੰਧੀ ਪੋਸਟਰ ਬਣਾਏ ਗਏ ।
ਵਿਦਿਆਰਥੀਆਂ ਨੂੰ ਪਲਾਸਟਿਕ ਦੇ ਲਿਫਾਫੇ ਨਾ ਵਰਤ ਕੇ ਉਹਨਾਂ ਦੀ ਜਗਾਂ ਪੇਪਰ ਜਾ ਕਪੜੇ ਦੇ ਬਣੇ ਬੈਗ ਵਰਤਣ ਲਈ ਪ੍ਰੇਰਿਤ ਕੀਤਾ । ਇਸ ਮੌਕੇ Company Secretaries ਦੇ ਦੋ ਮੈਂਬਰ ਉਪਿੰਦਰ ਕੁਮਾਰ ਅਤੇ ਮਿਸ ਸਰਮਾ ਵੀ ਹਾਜ਼ਰ ਸਨ । ਇਹ ਸਾਰਾ ਪ੍ਰੋਗਰਾਮ ਡਾ. ਜਸਪ੍ਰੀਤ ਕੌਰ, ਇੰਚਾਰਜ ਇਕੋ ਕਲੱਬ ਦੀ ਦੇਖ-ਰੇਖ ਵਿਚ ਹੋਇਆ ।
